Кандидатот за градоначалник на општина Битола, Тони Коњановски, денес се обрати на Завршната конференција за женско претприемништво, која се одржа во Офицерскиот дом, во организација на Советот за женско претприемништво на Општина Битола.
Под мотото „Жени што градат иднина“, Коњановски ја истакна важната улога на жените во развојот на општината, нагласувајќи дека нивната посветеност, визија и креативност значително придонесуваат за заедницата.
„Во Општина Битола жените ќе продолжат да имаат партнер и поддршка во создавањето еднакви можности за сите претприемачи, особено за жените кои со својот труд и идеи ја движат заедницата напред“, рече Коњановски.
Настанот ја потврди посветеноста на локалната самоуправа и кандидатот да поддржува политики и проекти кои ја поттикнуваат претприемничката иницијатива кај жените во Битола.
