АНКАРА (АА) – Министерот за национална одбрана на Туркије, Јашар Ѓулер, и американскиот секретар за одбрана, Лојд Џејмс Остин, вчера телефонски разговараа за кандидатурата на Шведска за НАТО, како и за трансферот на борбени авиони Ф-16 во Анкара, пренесува Анадолу.
Ѓулер и Остин разговараа и за билатерални и регионални одбранбени и безбедносни прашања, објави турското Министерство за национална одбрана на Твитер.
Телефонскиот разговор се водеше откако турскиот претседател Реџеп Таип Ердоган вчера се согласи да го прати шведскиот Протокол за пристапување во НАТО до Парламентот по трилатералната средба со шефот на НАТО, Јенс Столтенберг, и шведскиот премиер Улф Кристерсон пред Самитот на НАТО во Вилнус, Литванија.
Анкара побара борбени авиони Ф-16 и комплети за модернизација од САД во октомври 2021 година. Договорот вреден 6 милијарди долари опфаќа продажба на 40 авиони, како и комплети за модернизација за 79 воени авиони што веќе се во инвентарот на турските Воздухопловни сили.
Извор: www.aa.com.tr
