Судскиот совет повторно ја одложи седницата за избор на нов претседател

May 2, 2023
1 min read

Засега нема објаснување зошто се одложува денешната седница, а од Советот најавија дека во текот на денот ќе објават соопштение на својата веб-страница

Судскиот совет

Судскиот совет по втор пат ја одложи седницата за избор на нов претседател која беше закажана по контроверзното разрешување на Весна Дамева минатата недела на 26 април.

Од Советот ја потврдуваат информацијата дека денешната седница се одложува, но засега нема информации од кои причини и за кога ќе биде закажана нова. Во текот на денот најавија дека ќе објават соопштение на веб-страницата.

Седницата за избор на нов претседател беше закажана како итна веднаш по разрешувањето на Дамева, за 27 април. Тогаш, првично почетокот на седницата се пролонгираше за два часа, додека неофицијалните информации говореа дека внатре ситуацијата е тензична. Кога започна, заменик-претседателот Селим Адеми ја одложи за денеска со објаснување дека не се присутни сите 13 члена со право на глас (отсутна беше само Мирјана Радевска-Стефкова), а кога се бира претседател пожелно е сите да се присутни. Сепак, неофицијалните информации говореа дека одложувањето е што нема потребен број од осум гласа „за“ за избор на нов претседател.

Која е причината за денешното одложување го прашавме и Адеми, но до моментот на објавување на текстот не добивме одговор.

Претходната претседателка Весна Дамева беше разрешена со седум гласа откако таков предлог даде Адеми. „За“ гласаа тој и уште шест други члена: Миљазим Мустафа, Ханиф Зендели, Мирсад Суроји, Сашко Георгиевски, Лорета Георгиева и Павлина Црвенковска.

За разрешување претседател на Судскиот совет нема предвидено процедура во Законот за Судски совет и во Деловникот за работа. Начинот на кој Дамева беше отстранета од функцијата предизвика низа реакции кај стручната јавноста, кои беа во насока дека за таа да биде разрешена од претседателка во ситуација кога нема предвидена процедура треба да биде разрешена како член на Судскиот совет. Како што реагираше и Коалицијата „Сите за правично судење“, за Дамева да се разреши од член, пак, потребна е дисциплинска постапка која предвидува процедура што трае одреден период во кој и странката има право на одговор, а потоа кога ќе дојде моментот за гласање неопходни се осум гласа „за“ не сметајќи го тој на предлагачот.

На седницата на 27 април, Адеми одбегна да им одговори на новинарите дали разрешувањето е законско и неколку пати повтори дека има институции кои треба да го утврдат тоа.

Подоцна, во интервју за „Порталб“ тој излезе со креативно толкување за разрешувањето на Дамева и за тоа што во Законот не се предвидени постапки за такво нешто велејќи дека „сè што не е забрането со Устав и закон е дозволено“.

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Веројатно и Вајс ќе го изеде банкрот

Следно

САД ја укинуваат обврската за КОВИД-вакцина за меѓународните патници

Latest from Blog

Проданоски: Буџетот за 2027 година го креираме со предлозите на прилепчани

Општина Прилеп ги заврши средбите со сите урбани заедници во градот во рамките на консултациите за подготовка на Буџетот за 2027 година. Градоначалникот Дејан Проданоски најави дека процесот продолжува со средби со

Николоски: Од 1 јануари само Државната лотарија ќе може да организира онлајн игри на среќа

Владата го измени Законот за игри на среќа, со кој јасно се ограничува организирањето на игри на среќа. Само Државната Лотарија ќе може да организира игри на среќа, дополнително се воведе ограничување

Божиновска: По три децении зависност од еден гасен правец, Македонија работи на нови врски со соседите

Македонија три децении зависела од само еден правец за снабдување со природен гас, а новите поврзувања со соседите треба да ја намалат таа зависност, порача министерката за енергетика, рударство и минерални суровини,

Битола не ги заборава своите херои: Одбележана 82-годишнината од формирањето на Првата егејска македонска ударна бригада

Во Битола свечено беше одбележана 82-годишнината од формирањето на Првата егејска македонска ударна бригада, со положување свежо цвеќе, оддавање почит и пригодна културно-уметничка програма. Одбележувањето се одржа пред спомен-плочата кај Територијалната противпожарна

Божиновска: Гасните врски со Грција и Србија се приоритет за посигурно снабдување

Гасните интерконектори со Грција и Србија, Вертикалниот гасен коридор и повторното ставање во функција на продуктоводот Солун–Скопје се меѓу проектите со кои Македонија работи на посигурно снабдување со енергија. Ова го истакна
Go toTop