Судан: Продолжуваат тешките судири меѓу суданската армија и паравоените сили

May 4, 2023
1 min read

КАРТУМ (АА) – Рано утрово се обновени жестоките вооружени судири меѓу суданската армија и паравоените сили во неколку подрачја во главниот град Картум.

Очевидци за Анадолу изјавија дека се слушнале судири во близина на претседателската палата и Генералната команда на суданската армија во центарот на Картум.

Суданската армија соопшти дека нејзините сили се судриле со Силите за брза поддршка (РСФ), кои се обиделе да ја нападнат Командата на армијата во Бахри, соседниот град на Картум.

Во соопштението се додава дека армијата им нанела големи загуби на Силите за брза поддршка (РСФ), принудувајќи ги да се повлечат.

Во меѓувреме, силите ја обвинија суданската армија за судирите, за прекршување на примирјето, како и за напад на станбените населби со артилерија и авиони на, како што нагласија, „кукавички начин“.

Во вторникот, Владата на Јужен Судан објави дека двајцата сопернички генерали во Судан – началникот на армијата, Абдел Фатах ал-Бурхан, и командантот на паравоената РСФ, Мухамед Хамдан „Хемедти“ Дагало, постигнаа договор за седумдневен прекин на огнот што започна од четвртокот.

Од почетокот на судирите на 15 април, според суданското Министерство за здравство, животот го изгубиле над 550 луѓе, а повеќе од 5.000 се повредени.

Во последните месеци постои несогласување меѓу армијата и паравоените сили околу нивната интеграција во вооружените сили, клучен услов во договорот за транзиција на Судан со политичките групи.

Судан е без функционална влада од октомври 2021 година, кога војската ја разреши преодната Влада на премиерот Абдула Хамдок и прогласи вонредна состојба во потег што политичките сили го нарекоа државен удар.

Транзицискиот период на Судан, кој започна во август 2019 година по соборувањето на претседателот Омар ал-Башир, треба да заврши со избори на почетокот на 2024 година.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS)..

Извор: www.aa.com.tr

VERO JUMBO MACEDONIA

EVN MACEDONIA

MARKETING

Претходно

Турски МИТ неутрализира високорангиран терорист на ПКК во северен Ирак

Следно

Твитер реакции: Планираат ли Герасимовски или Данела да преземат нешто за Буши да го исчисти Форум?

Latest from Blog

Трајановски: Обезбедени се 44 милиони денари за санација на регионален пат

Денеска заедно со градоначалникот на општина Кавадарци Митко Јанчев, Претседателот на Совет Стојанче Рамов, заменик директорот на ЈП Македонијапат Александар Шуковски и стручниот тим од ЈПДП извршивме увид во градежните активности на

Албанија прва во светот ќе има министерка креирана со вештачка интелигенција

Албанскиот премиер Еди Рама на седница на Националното собрание на Социјалистичката партија ја претстави првата министерка во историјата, креирана со вештачка интелигенција, наречена Диела. Рама, кој го почнува својот четврти мандат, изјави

Синот на Роналдињо потпиша за Хал Сити

фото: Hull city (X) Синот на бразилската фудбалска легенда, Роналдињо денеска потпиша за англискиот клуб Хал Сити. Клубот од Чемпионшип, кој се наоѓа на 17-то место на стартот на сезоната, се договори

ФБИ објави: Ова е оружјето со кое бил убиен Чарли Кирк

Американското ФБИ објави нови детали за оружје пронајдено во шумска област за која веруваат дека е локацијата каде што избегал вооружениот напаѓач, пишува Би-Би-Си. Службениците потврдија за Си-Би-Ес дека станува збор за
Go toTop