Луис Суарез и Лионел Меси, поранешни ѕвезди на Барселона и сегашни соиграчи во Интер Мајами, го објавија почетокот на заеднички проект, основање на нов фудбалски клуб кој ќе се натпреварува во уругвајското првенство. Клубот се вика Депортиво ЛСМ и ќе започне од четвртата дивизија.
„ЛСМ“ е кратенка за „Луис Суарез и Меси“. Суарез веќе има своја компанија – „Спортс ЛС“, на која е додадено „М“ за „Меси“.
Клубот ќе игра во уругвајскиот спортски комплекс во градот Сиудад де ла Коста, „Спортскиот комплекс Суарез“. Има големо игралиште со 1.400 седишта за гледачи.
За потсетување, поранешните соиграчи од Барселона се во МЛС лигата, а договорите на Аргентинецот и Уругваецот со клубот од Мајами истекуваат на крајот од годината. (МИА)
Извор: kurir.mk
