Столтенберг: Експлозијата на браната во Украина ја покажува бруталноста на руската војна

Денешното уништување на браната „Нова Каховка“ става во опасност илјадници цивили и предизвикува голема штета на животната средина. Ова е безобразен чин, кој уште еднаш ја покажува бруталноста на руската војна во Украина, напиша Столтенберг во објава на Твитер

Уништувањето на браната „Нова Каховка“ во јужна Украина ја покажува бруталноста на руската војна во Украина, вели генералниот секретар на НАТО, Јенс Столтенберг.

„Денешното уништување на браната ‘Нова Каховка’ става во опасност илјадници цивили и предизвикува голема штета на животната средина. Ова е безобразен чин, кој уште еднаш ја покажува бруталноста на руската војна во Украина“,

напиша Столтенберг во објава на Твитер.

The destruction of the Kakhovka dam today puts thousands of civilians at risk and causes severe environmental damage.
This is an outrageous act, which demonstrates once again the brutality of #Russia’s war in #Ukraine.

— Jens Stoltenberg (@jensstoltenberg) June 6, 2023

Олексиј Данилов, секретар на Советот за национална безбедност и одбрана на Украина, вели дека Русија преминала од обидот да ја оправда својата инвазија на Украина со, како што ги нарече пропагандни митови, до отворено објавување на нејзините вистински цели – „да ја уништи Украина, убивање на Украинците, уништување на економијата“.

Украинскиот претседател Володимир Зеленски изјави дека руските сили од внатре ја разнеле хидроцентралата „Нова Каховка“.

„Во 02:50 часот руските терористи извршија внатрешна детонација на објектите на ХЕ ‘Каховска’. Околу 80 населени места се во зоната на поплавите“,

напиша тој на Телеграм.

Украинското Министерство за енергетика соопшти дека уништувањето на браната не претставува директна закана за снабдувањето со електрична енергија на земјата.

„Експлозијата не влијаеше директно на состојбата на енергетскиот систем на земјата. Нема закани за стабилноста на снабдувањето со електрична енергија. Произведената електрична енергија е доволна за потребите на потрошувачите“,

се вели во соопштението.

Помошникот на украинскиот претседател Ондриј Јермак оцени дека рушењето на браната, за што ја обвинува Русија, е обид на Москва да го подигне влогот во војната со поттикнување страв од нуклеарна катастрофа.

„Денес светот мора да разбере дека ова е обид на терористите да ги подигнат влоговите и да ги исплашат сите дека е можна нуклеарна катастрофа“,

рече Ондриј Јермак.