Во денешното издание на емисијата За или против на телевизија Алфа, свое обраќање пратеничката од редовите на ВМРО-ДПМНЕ, Дафина Стојаноска и се осврна на случајот со оставката од страна на Илире Даути од претседателка на собраниската Комисијата за социјална политика, демографија и млади. Стојаноска го критикуваше и односот на пратениците од СДС и нагласи дека нивната акција беше само кукавичка.
-По однос на интерпелацијата за Илире Даути, завршена беше работата уште во петокот кога беше седницата со тие 5 интерпелации, а една од нив беше за колешката Илире Даути поднесена од колегите од Левица. Впрочем чинот кога гласаат 61 пратеник за таа интерпелација е свршен чин, нашето гласање е одлука на парламентот, изјави Стојаноска.
Стојаноска нагласи дека после неуспехот што го доживеа Европскиот фронт и без разлика што се 18 пратеници имаа можност да ја бранат, а со нивните четири интерпелации не успеаја да ја убедат јавноста да ги слушне.
-Оние четири интерпелации кои што тие ги поднесоа за тројца министри и еден заменик министер, не видовме дека тие реално имаа капацитет да ја задржат таа интерпелација, односно со збор да ја убедат јавноста да ги слушне зошто ги поднеле тие интерпелации. Тој неуспех сакаа да го покријат денес со некакво глумење на жртва или херој, тој чин заврши во петокот на 10 јануари со изгласување за интерпелацијата на Илире Даути со 61 глас за. Сиот тој неуспех можеби денес Европскиот фронт сакаше да го надомести со некое сценарио но никој не влезе во нивниот сценарио, додаде Стојаноска.
Стојаноска истакна дека постоело некоја задкулисна игра за отпосле да прават сценарија, а фактот што пратениците на СДСМ заминале е само кукавички чин.
-Кушлусот настана кога Илире Даути беше должна на таа комисија која ја свикаа според Деловник да ја стави на точка на дневен ред, откако ќе поминат 6 часа од онаа пленарна седница на која што имаше еден закон за измена и дополна на Законот за пензиско и инвалидско осигурување по скратена постапка, и другиот беше Законот за бранители. Првопотпишана беше Славјанка Петровска, но не само Славјанка Петровска туку ниту еден од пратениците на СДСМ, членови или заменици на оваа комисија, а ни Славјанка како поднесувач на овој закон не биле присутни на таа комисија, истакна Стојаноска.
Стојаноска додаде и дека се очекува предлог за нов претседател на Комисијата за социјална политика, демографија и млади, а до тогаш нема да има никакви пречки за непречено функционирање на истата.
-Очекуваме да се добие предлог од таа пратеничка група за нов претседател, а во најмала рака, таа комисија може да продолжи со работа затоа што си има актуелен заменик претседател, колегата Илир Демири, нема никаква пречка за континуирано функционирање во Собранието, заклучи Стојаноска.
ИЗВОР: kurir.mk
