Последната информација која ја објави „Телеграф“ е дека полицијата успеала да го опколи осомничениот кој наводно сè уште пука кон полицајците
По првичните информации за двајца убиени, српските медиуми објавија дека бројот на жртви од вечерашното пукање кај Младеновац се зголемил на тројца.
Порталот „Телеграф“ јавува дека меѓу убиените се и 20-годишен полицаец и неговата сестра, а повеќе лица се ранети.
Пукањето започнало во селото Дубона кај Младеновац. Неофицијално, како што пишуваат повеќе српски медиуми, настанала расправија во училиштен двор, по што напаѓачот заминал и се вратил со оружје од кое пукал.
Со автомобил „мерцедес“ тој избегал, а додека бегал, тој истовремено продолжил да пука.
Бројни полициски екипи се на терен, блокирани се патиштата и трае потрагата по напаѓачот, кој наводно е 21-годишно момче со иницијали У. Б.
Последната информација која ја објави „Телеграф“ е дека полицијата успеала да го опколи осомничениот кој наводно сè уште пука кон полицајците.
Извор: 360stepeni.mk
