Митрополитиот Жички Јустин е разрешен на Светиот архијерејски собор на Српската православна црква, објави вечерва порталот Нова.рс, повикувајќи се на свои извори од Сободот.
За смената на митрополитот жички Јустин гласале 27 архијереи.
Шест архијереи издвоиле мислење, односно биле против, но одбиле да учествуваат во гласањето, а тоа се: Јоаникиј, Теодосиј, Игнатиј, Григориј, Максим и Димитриј.
Како што претходно објави Нова.рс се очекувало архијереите да ја разгледуваат можноста за негово расчинување, односно конечно отстранување од епископскиот трон, по повеќемесечна постапка која предизвика длабоки поделби меѓу верниците и свештенството.
Според информациите до кои дошол порталот нова.рс, на епископот Јустин максимално му била отежната одбраната, па така во пресрет на Соборот добил обемна документација на која морал да одговори во рок пократок од две недели.
Документацијата што му била доставена на Јустин брои неколку стотици страници, а нему му било забрането комуницирање и консултации со адвокат или соработници.
Извор: zurnal.mk
