СПАСЕНО ПЕТЧЛЕНО СЕМЕЈСТВО КОЕ 5 ДЕНА БЕШЕ ЗАТРУПАНО: Над 25 илјади војници ангажирани по земјотресите во Турција, смртниот биланс над 21 илјада

February 11, 2023
1 min read

Турскиот министер за одбрана Хулуси Акар изјави дека 25.067 припадници на турските вооружени сили се распоредени во подрачјата погодени од земјотресите на југот на Турција, јавува Анадолија.

Акар истакна дека 63 авиони, преку коридорот за воздушна помош, во регионот превезле 9.780 експерти и 625 тони опрема.

Тој додаде дека припадниците на турските сили придонесуваат во операциите за пребарување и спасување и во обезбедувањето медицинска помош.

-За краток временски период воспоставивме коридор за воздушна помош, рече Акар.

Во меѓувреме, турскиот претседател Реџеп Таип Ердоган денеска соопшти дека бројот на загинати во Турција се искачи на 21.043 лица.

Ердоган најави дека ќе преземе конкретни чекори за да започне со обнова на градовите во тешко погодениот југоисточен регион за неколку недели, велејќи дека стотици илјади згради се уништени во јужна Турција.

Ердоган ги осуди оние кои ограбувале или извршиле други злосторства во подрачјата погодени од земјотресот и најави најстроги казни.

Два разорни земјотреси со јачина од 7,7 и 7,6 степени според Рихтеровата скала ги погодија во понеделникот јужните делови на Турција со епицентар во Кахраманмарас, а бројни спасувачки тимови се уште ревносно работат на пребарување и спасување на луѓето затрупани во урнатините на зградите.

Денеска спасувачките екипи во пограничниот град Нурдаг во турската провинција Газиантеп извлекоа на безбедно петчлено семејство кое преживеа пет дена по катастрофалниот земјотрес, затрупано во урнатините на нивниот дом.

Спасувачите прво ги извлекле мајката и ќерката Хава и Фатмагул Аслан од купот урнатини, а кога стигнале до таткото на семејството, Хасан Аслан, тој инсистирал прво да бидат спасени неговата втора ќерка Зејнеп и синот Салтик.

ИЗВОР: kurir.mk

VERO JUMBO MACEDONIA

EVN MACEDONIA

AUTO SHKOLLA BEKO

MATINA DENTAL CLINIC

Претходно

Викенд шаховски турнир во Карпош

Следно

Љутков: Оваа година 5 милиони евра помалку за култура во годишниот конкурс за финансирање на проекти од национален интерес

Latest from Blog

Фламенго е шампионот на Ј. Америка! (ВИДЕО)

ФОТО: Clube de Regatas do Flamengo/FB Фламенго е новиот првак на Јужна Америка. Овој клуб ја освои својата четврта титула во Копа Либертадорес, победувајќи го Палмеирас со 1-0 во бразилското финале во

Напад со нож пред српското Собрание, едно лице тешко повредено

Припадните на полициските интервентни единици кои го обезбедуваат т.н. „Чациленд“ пред Собранието на Рсбија, уапсиле маж, кој, според Министерството за внатрешни работи нападнал жител на оваа шаторска населба. „Припадници на интервентните единици

Јаневска: Сојузништвото меѓу наставниците, родителите и заедницата е клучно за развој на просперитетни генерации со емпатија и критичко размислување

Наставниците се вистински магионичари – не само во однос на знаењето што го пренесуваат, туку и во обликувањето на карактерот и развојот на децата во целина. Тие ги поттикнуваат да размислуваат храбро,

Швајцарците гласаат за воведување граѓанска служба и за данок на наследство

Анкетите пред изјаснувањето покажуваат дека двата предлога ќе бидат отфрлени. Со првата иницијатива се предлага задолжителна служба за сите, или во војската или во службите за помош при катастрофи, но и во
Go toTop