Седумнаесетгодишната Алејна Олмез е извлечена од урнатините 248 часа по разорните земјотреси што ги погодија јужна Турција и Сирија, јавува Анадолија. Таа беше извлечена од под урнатините во населбата Кајабаси во Кахраманмарас.
Алејна моментално се наоѓа на лекување во болница во Анкара, а во средата ја посети турскиот претседател Реџеп Таип Ердоган и неговата сопруга Емине. Таа е среќна поради посетата на претседателот и првата дама на Турција.
„Нашиот претседател дојде во посета, се чувствував добро, се чувствувам горда. Убаво е чувството да се има толкава поддршка“, изјави Алејна. Како што рече, поминала низ тежок период.
„Се борев, не сакав да се предадам. Сите ми даваа голема поддршка и ми помогнаа. Ви благодарам многу за се“, изјави Алејна.
Aleyna Olmez se trenutno nalazi u bolnici na liječenju i njen oporavak teče veoma dobro (VIDEO: Anadolija) pic.twitter.com/OWsneh0rg7
— TV N1 Sarajevo (@N1infoSA) February 23, 2023
Откако Алејна беше извлечена од урнатините, д-р Џенгиз Дилбер рече дека е неверојатно што таа е во толку добра здравствена состојба со оглед на тоа што била под урнатините 248 часа.
„Бевме изненадени што нејзините телесни функции се добри и што функцијата на бубрезите не и е влошена. Тоа е неверојатна работа. Нејзината здравствена состојба е многу добра. Секако дека има трауми“, изјави тогаш Дилбер.
ИЗВОР: kurir.mk
