Социјалната мобилност, т.е. способноста на поединците да го променат својот социјален и економски статус во однос на своите родители, бележи значителен пад во Германија од 1970-тите години, според нова студија на Институтот за економски истражувања IFO во Минхен.
Анализата ги вклучува трендовите на приходите на генерациите родени помеѓу 1968 и 1987 година и укажува дека децата родени во 1980-тите имаат помали шанси за социјален и економски напредок во споредба со претходните генерации.
„Влијанието на приходите на родителите врз образованието и последователните приходи на нивните деца се дуплираше во една генерација кон крајот на 1970-тите и почетокот на 1980-тите“, коментираше Јулија Барк, аналитичарка во Институтот во Минхен.
Извор: tv21
