Сопственикот на Лион, американскиот бизнисмен Џон Текстор го сподели својот план за да го задржи тимот во највисоката лига на францускиот фудбалски шампионат.
Претходно, Лион доби пресуда за исфрлање од Лига 1 на крајот од тековната сезона доколку не подмири финансиски долгови од 100 милиони евра.
Клубот исто така предмет на забрана за дојдовни трансфери.
Текстор рече дека во наредните месеци сметките на неговиот холдинг „Eagle Football“, во кој е вклучен и Лион, треба да се надополнат со најмалку 300 милиони евра. Вкупниот долг на групацијата, која ги поседува и клубовите Моленбек (Белгија) и Ботафого (Бразил), изнесува 463,8 милиони евра.
Така, Eagle Football планира да ги продаде своите акции во англискиот Кристал Палас. На аукција ќе бидат ставени четири пакети во вкупна вредност од 200 милиони евра. Исто така, на берзата ќе бидат ставени и дел од акциите на во вредност од околу 100 милиони евра.
– Ова се многу повеќе пари отколку што се потребни за да се спаси Лион. Финансискиот регулатор на францускиот фудбал не сакаше да ја земе предвид продажбата на нашите акции. Мислам дека нема да потфрлиме на сите нивоа. Нашите акционери имаат средства. Никој нема да дозволи клубот да испадне, изјави Текстор за „RMC Sport“.
Покрај тоа, сопственикот на францускиот клуб има намера да собере средства од продажбата на играчи и да заштеди на платите на преостанатите играчи.
Лион е седумкратен француски шампион. Сезонава екипата по 11 одиграни кола е на 5. место со 18 бодови.
Извор: kurir.mk
