Во Собранието и попладнево се дебатираше за Предлогот за реконструкцијата на Владата, а по заседавање од околу час и половина, заменик-претседателот на законодавниот дом Горан Мисоски објави пауза и најави дека 104. седница ќе продолжи по 19:00 часот.
Пратениците се уште расправаат по првата точка на дневниот ред, односно предлогот за разрешување на членови на Влада, на досегашните министри за здравство Беким Сали, за информатичко општество и администрација Адмирим Алити и министерот без ресор задолжен за дијаспора Џемаил Чупи.
Во попладневните часови, во рамки на седницата, говореа само претениците од опозицијата. Тие, како и во текот на претходните три дена денови, упатија критики за повторното реконструкирање на Влада, како и за лошото вледеењето на СДСМ и коалицијата. Претениците генерално зборува за економската криза, која се карактеризира за висока инфлација, иселувањето на младите, состојбите во здравството, осврнувајќи се на недостигот на лекари и лекарства, неостварените проекти ветувани од власта, корупцијата, како и за непродуктивното трошење на народните пари.
Опозициските пратеници истакнаа дека пратениците од Алијанса за Албанците, која со реконструкцијата и официјално станува дел од владејачкото мнозинство, „до вчера“ го критикувале владеењето на СДСМ и социјалдемократските пратеници и функционери ги нарекувале „криминалци и неспособни“.
Седницата за реконструкцијата на Владата почна пред четири дена.
ИЗВОР: kurir.mk
