Со донација од ОКТА, корисниците од Здружението „За тебе“ ќе се стекнат со возачки дозволи

January 12, 2023
1 min read

Десет корисници, членови на Здружението „За тебе“ („4U“) ќе се стекнат со возачка дозвола преку донација од ОКТА АД – Скопје, со што ќе ги унапредат своите професионални вештини и ќе ги зголемат своите можности за вработување. Младите кои ќе ги користат средствата обезбедени од компанијата за оваа намена се полнолетни лица, кои растеле во СОС Детско село или во домот за деца без родители „11-ти Октомври“. Донацијата ќе ги покрие сите трошоци за обука, здравствени прегледи и полагањата на сите испити до стекнување на возачка дозвола.

„Поддршката на лицата, особено младите, од социјален ризик е наша долгорочна определба како општествено одговорна компанија. Благодарни сме што имаме можност да им помогнеме на овие млади луѓе кои ги прават првите чекори во својот самостоен живот. Стекнувањето возачка дозвола ќе го унапреди нивниот индивидуален и професионален развој, дополнително ќе ги изедначи со останатите врсници, правејќи ги поконкурентни на пазарот на трудот. Веруваме дека целиот процес на едукација и обука ќе придонесе да станат одговорни учесници во сообраќајот и да ја шират добрата сообраќајна култура за побезбедни патишта“, изјави на свеченото доделување на донацијата главниот извршен директор на ОКТА Вук Радовиќ.

Здружението „4U“ обезбедува помош и поддршка за млади во социјален ризик во процесот на вработување, при пронаоѓање привремено сместување, но и во опремувањето на нивните живеалишта, обезбедувањето храна, средства за хигиена и други потреби во секојдневниот живот.

„Поддршката од поединци, организации, помали и поголеми компании на секој наш штитеник му покажува дека не е препуштен сам на себе во животот. Оваа порака, која е најважната, денес ја испраќа и ОКТА. Нивната донација не само што е благородна, туку и доаѓа во вистинско време за вистинските млади луѓе, за кои можноста да се стекнат со возачка дозвола е навистина драгоцена. Верувам дека секој од нив ќе го памети овој чекор на компанијата која не еднаш ја покажала својата грижа за ранливите групи, а особено за децата и младите во социјален ризик“, изјави претседателката на Здружението „4U“ Цеце Николовска, која и самата е поранешна штитеничка на СОС Детско село.

Оваа донација е во рамки на платформа на ОКТА за подигнување на свеста за безбедност во сообраќајот „ЈАС ВНИМАВАМ“, која компанијата активно ја спроведува веќе петта година по ред. Како дел од платформата досега реализирани се следниве активности – донација на едукативни сообраќајни полигони во основните училишта ширум земјава, обука на децата и продукција на едукативни содржини за нив, донација на рефлектирачки приврзоци за поголема безбедност во сообраќајот на сите првачиња во Скопје, продуцирање и емитување на едукативни видео материјали за најчестите причини за сообраќајни незгоди, донација на механизми за регулирање на работата на семафорите на дел од булеварите во Скопје и  50 уреди за звучна сигнализација на пешачки премини во главниот град наменети за лица со оштетен вид.

Во 2017-та година, платформата „ЈАС ВНИМАВАМ“ беше прогласена за најдобра национална општествено одговорна практика.

ИЗВОР: kurir.mk

VERO JUMBO MACEDONIA

EVN MACEDONIA

MARKETING

ЛОКАЛНИ ИЗБОРИ 2025

Претходно

ПОВРАТЕНИ 5 МИЛИЈАРДИ ДОЛАРИ ОД ИМОТОТ НА FTX, ќе се офајдат ли доверителите?

Следно

29-годишна скопјанка касната од куче во кругот на клиники

Latest from Blog

YouTube целосно го менува изгледот: Голем редизајн доаѓа за сите уреди

YouTube воведе голем број визуелни и функционални подобрувања на платформата, вклучувајќи редизајниран видео плеер, нов систем за коментари и анимации при лајкување на содржината. YouTube носи голем број корисни подобрувања на својата

Проданоски: Прилеп добива модерна болница со најсовремена опрема

Подобрувањето на условите во здравството останува врвен приоритет, порача кандидатот за градоначалник на Прилеп, Дејан Проданоски, по денешната посета на Општата болница „Борка Талески“. Проданоски, заедно со министерот за здравство Азир Алиу,

„Коалиција за зелена иднина“ – кога граѓаните добиваат политички глас

Соговорници: • проф. д-р Антони Новотни – ко-претседател на зелената партија ДОМ и носител на листа за советници во Општина Центар • Александар Анѓушев – ко-претседател на зелената партија ДОМ и носител

Интервју со Дејан Митески за Булевар.мк: Аеродром ќе биде општина што дише – зелена, чиста и насочена кон младите

Интервју за Булевар.мк со Дејан Митески, кандидат за градоначалник на Општина Аеродром Булевар: Граѓаните веќе неколку пати слушнаа за вашата визија за Аеродром. Кои се првите конкретни чекори што ќе ги преземете
Go toTop