Но, една жена беше целосно изненадена кога мажот што седеше зад неа реши да го помине целиот лет – бос. И со нозете потпрени веднаш до нејзиното седиште.
Таа не реагираше
Таа го сподели своето грозно искуство на TikTok, а видеото брзо стана вирално. Ешли Ајзенман ја сними неговата боса нога како притиска на страната на авионот, веднаш до нејзиното седиште. „За среќа, летот траеше само еден час“, напиша таа во описот на видеото.
@ashleyeisenmanart This MFer was lucky it was only an hour flight. @AlaskanAir #flying #vacation #plane #gross #fyp #laketahoe ♬ Jet2 Advert – ✈️A7-BBH | MAN 🇬🇧
Како што видеото почна да добива сè повеќе прегледи, Ајзенман објасни што всушност се случило:
„Имаше мал простор веднаш до моето седиште, и тој ја потпре ногата таму. Имав мала кожна чанта и планирав „случајно“ да му ја испуштам на ногата и да кажам: „О, Боже, жал ми е, не те видов“.“ Таа додаде дека верува дека таков патник „треба што поскоро да заврши на листата на патници на кои им е забрането летање“.
Интернетот е ужаснат
Корисниците на Reddit и TikTok немаа ни трошка разбирање за босоногиот патник. Многумина изразија згрозување, а некои ѝ понудија на Ешли „креативни“ начини да се справи со таков придружник. „Лажна кашлица и прскање вода по неговите нозе“, советуваше еден коментатор. „Би почнала да му ги лакира ноктите на нозете. Ова е неприфатливо!“, напиша друг.
Имаше и такви кои веруваат дека таа требало веднаш да реагира. „Би се свртила и би му кажала нешто. Нема шанси да го игнорирам тоа. Уф!“, напиша еден корисник.
Извор: vecer.mk
