Се претпоставува дека станува збор за агенти „спијачи“ кои работеле за руска воена разузнавачка служба и потврдувале лажни содржини во официјални документи, а користеле изнајмена канцеларија во Љубљана како нивна оперативна база
Словенечките власти уапсија двајца наводни руски шпиони, објавија локалните медиуми повикувајќи се на извештајот од јавното обвинителсто како потврда за апсењата.
Според медиумите, како што пренесува Асошиејтед прес, двајцата странски државјани биле уапсени во декември, а ќе останат во притвор додека обвинителството ја продолжува истрагата за наводите за шпионажа.
Се претпоставува дека станува збор за агенти „спијачи“ кои работеле за руска воена разузнавачка служба и потврдувале лажни содржини во официјални документи, а користеле изнајмена канцеларија во Љубљана како нивна оперативна база.
„Окружното државно обвинителство во Љубљана доби известување од Словенечката агенција за разузнавање и безбедност, врз основа на што е поведена предистражна постапка“,
изјавиле од обвинителството на Љубљана за словенечките медиуми.
Сепак, поради чувствителноста на информациите, истражните органи во Словенија засега не соопштуваат детали за овој случај.
Доколку бидат прогласени за виновни, на осомничените им се закануваат вкупно осум години затвор.
Извор: 360stepeni.mk
