Голем скандал ја тресе Црна Гора околу изградбата на само една трибина (источната), на стадионот во Подгорица. Веќе две години трае истрагата околу споменатиот објект, а пред некој ден Специјалното државно обвинителство поднесе кривична пријава против Фудбалската федерација на Црна Гора и претседателот Дејан Савичевиќ за злоупотреба на институцијата и фунцијата.
Според најавите на медиумите од Црна Гора стадионот или едната трибина во Подгорица со капацитет од 6.100 гледачи треба да чини неверојатни 35.000.000 евра!
Савичевич и ФСЦГ се теретат дека злоупотребиле 500.000 евра од буџетот на федерацијата за незаконска изработка на проектот, а потоа истиот како донација го подарите на градот кој е главен инвеститор на проектот. Проектот бил многупати менуван и дополнуван и сето тоа не било според законот за јавни набавки.
Истрагата трае од 2022 година а обвинителството пред некој ден стартуваше со расчистување на случајот и со покренување на кривичните приојави.
Народот во Црна Гора се прашува: Која трибина во светот со капацитет од 6.100 места чини рекордни 35.000 000 евра. Наведуваат примери дека за таа сума е направен новиот стадион во Загреб на Крањчевиќева со капацитет од 12.000 седишта, а во Сараево за јужната трибина на „Грбавица“ за 5.000 гледачи се потрошени 2.4 милиони евра.
И кај нас се градеа стадиони во Охрид, Велес, Штип… за каде имаше многу врева и проблеми но и докази за нерегуларности а тоа беа од финансиите на ФИФА и УЕФА.
Извор: vecer.mk
