Скопје станува шаховски центар викендов, учествуваат 200 учесници од 8 земји

May 22, 2025
1 min read

На 23 мај, петок во Скопје почнува Меѓународниот младински шаховски турнир „КВАЛИТЕТ 2025”, во организација на Јахја Кемал колеџот и Шаховскиот клуб „Гамбит Асеко”. Турнирот се одржува осма година по ред, а годинава е поддржан и преку проектот „Ајде да играме шах“, дел од програмата Еразмус+.

Досега се пријавени околу 200 учесници од Казахстан, Молдавија, Грција, Бугарија, Србија, Турција и Македонија, а се очекуваат и натпреварувачи од Црна Гора.

Пријавувањето завршува на 23 мај до 17:00 часот, по што ќе следи официјалното отворање на турнирот. Првиот круг ќе започне во петок во 18:00 часот.

Турнирот ќе се одвива во три возрасни категории:

* Под 8 години

* Под 10 години

* Отворена категорија до 20 години

Партиите од првите пет табли ќе бидат пренесувани во живо во реално време и ќе може да се следат на официјалниот канал chess.com.

Наградниот фонд изнесува 1.500 евра, со дополнителни стокови награди за најуспешните учесници.

Турнирот го предводи 17 годишниот ФИДЕ мајстор – Антон Златков, кој е учесник на првото издание на КВАЛИТЕТ во 2016 година.

Шаховскиот фестивал КВАЛИТЕТ прерасна во традиција и се одржува од 2016 година, со прекин во 2020 и 2021 година поради пандемијата. Оттогаш до денес, турнирот прерасна во еден од водечките младински шаховски настани во регионот.

Во сабота, во 14 часот при доделување на наградите на турнирот до 8 години ќе бидат промовирани првите анимирани цртани филмови за изучување на основните правила во шахот во рамки на проектот Еразмус + „Ајде да играме шах”.

Извор: kurir.mk

MARKETING

MARKETING

Претходно

Претседателот на Палестинската Црвена полумесечина: Сè уште не е стигната никаква помош до жителите на Газа

Следно

Ревизорски извештај за хематологија: Лековите за ретки болести не биле евидентирани во сметководствената евиденција

Latest from Blog

Јаревски во 24 анализа: Договорот со Велика Британија е можност за трансформација на Македонија

Пратеникот од ВМРО-ДПМНЕ Тони Јаревски во 24 анализа рече дека договорот со Британија е историска можност за трансформација на Македонија. Според него, проектите нема да се насочени само за изградба на железници

НБА ги објави најдобрите дефанзивни петорки

По доделувањето на наградата за најкорисен играч (МВП), Националната кошаркарска асоцијација (НБА) ги објави и најдобрите дефанзивни петорки. Првата, секако, го предводи добитникот на наградата за најдобар дефанзивец во сезоната 2024/25, Еван

Италија: Поплавите во Милано го нарушија сообраќајот и јавниот превоз во градот

СКОПЈЕ (АА) – Поројните дождови во италијанскиот регион Ломбардија денес предизвикаа поплави и големи проблеми во сообраќајот и секојдневието во Милано, особено во источниот дистрикт Понте Ламбро, јавува Анадолу. Реките Севесо и

Филипче: Славески како гувернер ќе следи партиски директиви, а не реална монетарна политика

„Трајко Славески, како гувернер на Народната банка, нема да биде независен и нема да води вистинска и балансирана монетарна политика“, ова е оценката на претседателот на СДСМ, Венко Филипче, за одлуката на
Go toTop