Скопје денеска мирно. Како да сме во висока летна сезона, кога сите се по одмори. Сообраќај, колку да се каже дека го има.
„Скопје, понеделник, точно напладне. Една од најпрометните раскрсници без сообраќај, односно со минимален сообраќај. Што би рекле луѓето од социјалните мрежи, скопјани си заминаа дома“, вели новинарот на ТВ21, Горан Теменугов.
Но тие што останаа во градов, поделени околу тоа дали е поубаво со метеж или вака, далеку помирно.
АНКЕТА:
„Како ви се допаѓа Скопје вака полуиспразнето? Што нема никого?
-Па добро е. Си имаат луѓево пари и си излегоа на шетање.
-Бааги…
-Не е убаво. Зошто. Сме научиле секогаш да е гужва, да има луѓе, така нешто.
-Поубаво е
-Сега се и на море. Иако нема бањање, сите се доле во Македонија се.
-Тешко е. Тешко. Никако. Нема луѓе, нема, не шетаат, не работи ништо.
-Па има луѓе, и од страна доаѓаат, не е само од тука, од Скопје.
-Има и Скопјани, не се сите на одмор.
Но, иако Скопје беше полупразно, дел од нашите сограѓани, денеска и печалеа за живот.
„Па нешто ќе заработам. Дома ништо не се заработува. Само се плаќаат сметки, храна“.
„Се мерат, се мерат, да. Има народ, има се сожалуваат гледаат, си сакаат да се мерат“.
ТВ21: Се заработува ли нешто?
„Ова е касичка за внукот. Јас имам пензија 14.800 со новово што е. 3.800 му давам на внукот, со другото јас останувам. И да не седам дома…“.
Од Министерството за внатрешни работи пак велат дека на на граничните преминини Богородица и Табановце во периодот од 06.12.2024 од 08.00 часот до денеска до 08.00 часот влез оствариле 14.382 македонски државјани, а излез 26.195 граѓани на Македонија.
„Од страна на МВР се преземаат сите мерки и во функција се ставени сите човечки и технички капацитети за да се забрза протокот на патници, се разбира со спроведување на задолжителните гранични проверки.“, велат од МВР.
Податоците на МВР покажуваат дека поголемиот дел од скопјани денеска или биле дома или некаде низ државава.
ИЗВОР: ТВ 21
