Бизнис акцелераторот УКИМ, во соработка со The Learning Curve, организира конференцијата „Како стартапите да обезбедат паметно финансирање во 2025“, каде што над 100 учесници од стартап екосистемот ќе разменат искуства, идеи и стратегии за привлекување инвестиции.
На настанот што ќе се одржи во Инокс центарот за иновации ќе говорат истакнати претприемачи и експерти, вклучувајќи го Џонатан Кварлес, основач на The BTL Group, Весна Кузмановиќ, иноваторка во областа на design thinking, Франка Граждани, ко-основачка на ETH Macedonia, како и Александар Стамболиев, директор на Бизнис акцелераторот УКИМ. Нивните презентации ќе ги покријат клучните предизвици и можности во финансирањето стартапи, практични стратегии за привлекување инвестиции и трендовите што ќе го обликуваат екосистемот во претстојната година.
Покрај инспиративните говори, учесниците ќе имаат можност за вмрежување со инвеститори и деловни лидери, создавање нови партнерства и запознавање со актуелните механизми за финансиска поддршка.
ИЗВОР: racin.mk
