ХАТАЈ (АА) – Сиријците кои беа засолнети во Туркије за време на граѓанската војна во нивната земја, започнаа да се враќаат во Сирија по соборувањето на 61 годишниот режим на Баас, јавува Анадолу.
На граничниот премин Чилвеѓозу во Хатај, југоисточната провинција Туркије, Сиријците утринава се наредија на граничниот премин Рејханли, чекајќи ги царинските процедури.
За да се спречи пренатрупаноста, тимовите на жандармеријата поставија посебна контролна точка на околу 5 километри (3,1 милји) од границата.
По проверките во овој момент, Сиријците за кои се сметаше дека ги исполнуваат условите за премин беа упатени до граничниот премин Чилвеѓозу.
Адем Мухамед Зин, сириски државјанин, за Анадолу изјави дека е на пат за Дамаск, неговиот роден град.
Тој ја изрази својата радост за ослободувањето на неговата земја по долги години: „Фала му на Бога, нашиот пат е отворен, Асад го нема, а војната заврши. Во Истанбул сум 10 години. Бог да ги благослови Турците, тие ни помогна многу“.
Али Хасико, кој 12 години чека да се врати во својот роден град Хама, исто така се заблагодари на Туркије: „Ѝ благодарам на Туркије што ни ги отвори вратите“.
Ибрахим Ал Мута, кој со своето шестчлено семејство чекаше да оди во Хама, рече дека тие биле во Туркије речиси 11 години. „Фала му на Бога, војната заврши. Туркије е прекрасна, но нашата татковина е Сирија“, рече тој.
Хана Хасико, која беше со своите деца и внуци, рече дека Туркије и Сирија се како семејство и додаде: „Ви благодариме за сè, сега си одиме дома“.
Извор: Anadolu Agency (AA)
