ДАМАСК (АА) – По крајот на 61-годишното владеење на режимот на Баас, сцените со урнатини во подрачјата на Источна Гута, вклучително и Хараста и Кобар, во Дамаск, сведочат за огромните страдања што ги претрпеа граѓаните на Сирија, јавува Анадолу.
Во населбите што беа цел на долгогодишниот конфликт Сиријците се обидуваат да продолжат со животот и се надеваат на подобра иднина.
Разурнатите улици и урнатините што некогаш биле домови, училишта и продавници сега стојат како сведоштво за катастрофалните последици од војната.
Семејствата што останале во овие подрачја или се вратиле по повлекувањето на режимските сили се соочуваат со огромни предизвици, вклучително недостиг на основни услови за живот, како вода, струја и медицинска услуга.
Сепак, меѓу урнатините може да се забележат моменти на радост, како деца што играат на улиците и локални иницијативи за повторно оживување на заедницата.
Режимот на партијата Баас во Сирија падна по 61 година на власт преку насилно угнетување на сирискиот народ.
Сирискиот режим, кој беше на власт од 1963 година, а против кој во 2011 година се крена востание, по што во Сирија изби граѓанска војна, падна со губењето на контролата над престолнината Дамаск.
Извор: Anadolu Agency (AA)
