Сирија: Едно лице загина, а шест се повредени во напад со беспилотно летало врз база на коалициските сили

ВАШИНГТОН (АА) – Американското Министерство за одбрана (Пентагон) соопшти дека иранско беспилотно летало извршило напад врз базата на коалициските сили предводени од Соединетите Американски Држави (САД) во Хасека, Сирија, јавува Анадолу.

Во нападот загина едно лице, а шест лица се повредени, меѓу кои и пет американски војници.

Пентагон соопшти дека вчера околу 13 часот и 30 минути по локално време, самоубиствено беспилотно летало удрило во објект за одржување што им припаѓа на коалициските сили што се наоѓаат во областа за борба против терористичката организација ДЕАШ.

Тие потврдија дека било убиено едно лице што работело со САД, а шест други, меѓу кои пет американски војници, биле повредени.

Американската разузнавачка агенција процени дека беспилотното летало е од иранско потекло, соопшти војската.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS)..