МАДРИД (АА) – Најмалку едно лице загина, а две се водат за исчезнати по поплавите предизвикани од обилните дождови што беснеат изминатите два дена во Централна и Јужна Шпанија, пренесува Анадолу.
Емилијано Гарсија Пејџ, шеф на автономната Влада на Кастиља-Ла Манча, соопшти дека силните дождови предизвикале сериозна штета во квартот Казарубиос дел Монте во градот Толедо. Тој ја потврди смртта на едно лице што било заробено во автомобил.
Во квартот Алдеа дел Фресно, во главниот град Мадрид, пријавено е исчезнување на две лица. Имено, возилото во кое се наоѓале лицата паднало во реката Алберче.
Во градот Куенка е спасено лице што поради поплавата останало заробено во својот дом. Затворени се голем број патишта, а дојде и до уривање на мостови. Откажани се и линиите на некои брзи возови.
Поплавени се многу домови и деловни објекти.
