Си Ѓинпинг планира следната недела да отпатува во Русија на средба со Путин

March 13, 2023
1 min read

Посетата на Ѓинпинг на Русија доаѓа побрзо од очекуваното, пренесува Ројтерс

Фото: EPA-EFE/MARK R. CRISTINO

Кинескиот претседател Си Ѓинпинг планира следната недела да отпатува за Русија за да се сретне со својот колега Владимир Путин. Посетата на Ѓинпинг на Русија доаѓа побрзо од очекуваното, пренесува Ројтерс.

Плановите за посета доаѓаат кога Кина се нуди да посредува за мир во Украина, напор што на Запад беше дочекан со скептицизам со оглед на дипломатската поддршка на Кина за Русија.

Пекинг најави дека сака да игра поактивна улога во завршувањето на конфликтот во Украина, а соработниците на претседателот велат дека Си Ѓинпинг има намера да се заложи за мултилатерални мировни преговори на средбата со својот руски колега Владимир Путин.

Руската новинска агенција Тасс на 30 јануари објави дека Путин го поканил Си да го посети напролет. „Волстрит журнал“ минатиот месец објави дека посетата на Москва би можела да се случи во април или почетокот на мај.

Кинескиот министер за надворешни работи Чин Ганг минатиот месец изјави дека неговата земја сака да игра улога во завршувањето на конфликтот во Украина и оти Кина е загрижена дека едногодишната војна може дополнително да ескалира и да излезе од контрола.

Кина никогаш не ја поддржа или јавно ја критикуваше руската офанзива и постојано ја изразува својата поддршка за Москва во врска со западните санкции. 

Минатиот месец Путин беше домаќин на првиот кинески дипломат Ванг Ји во посета на Москва и сигнализираше дека Си ќе отпатува во Русија.

Кинескиот претседател Си Ѓинпинг обезбеди трет петгодишен претседателски мандат откако речиси 3 000 члена на кинескиот парламент му ја дадоа поддршката. Почетокот на неговиот трет претседателски мандат доаѓа кога Кина, втората по големина економија во светот, се соочува со големи предизвици – од човековите права, закрепнување од политиката за нулта-ковид, слабата глобална побарувачка, кревката доверба меѓу потрошувачите и бизнисите, па се до затегнатите односи со Вашингтон и Западот поради Тајван, како и поддршката на Пекинг за Русија.

Извор: 360stepeni.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Да се отстранат дивите таксисти и да има инспекции – бараат такси превозниците од Арсовска

Следно

Папата Франциск одбележува 10 години на чело на Римокатоличката црква

Latest from Blog

Николоски: Стратешкото партнерство со САД е силно, инфраструктурните проекти се реализираат со одлична динамика

Заменик претседателот на Владата и министер за транспорт, Александар Николоски денеска оствари работна средба со Никол Варнс, вршител на должноста амбасадор на САД во земјава.  На средбата беше потврдена посветеноста на стратешкото

Коњановски: Младинско катче и кариерен центар за учениците во битолското економско училиште

Учениците во СОЕУ „Јане Сандански“ во Битола добија младинско катче и кариерен центар. Просторот го уредиле самите ученици со поддршка од нивниот професор и координатор Целе Јолевски, а на свеченото отворање присуствуваше

Николоски: Ниските даноци и пристапот до европскиот пазар се предност за јапонските компании

Македонија нуди најдобри и најконкуретни услови за инвестирање во целиот регион. Имаме континуиран раст на БДП, раст на индустријата и единаесет квартали раст во градежништвото. Исто така, даночната политика е најповолна бидејќи

Не дозволувајте да изгубите пари при откупот: СЕКЕ со важни совети за правилно пакување на тутунот

Со почетокот на сезоната за откуп на тутунот, компанијата СЕКЕ упати важни препораки до тутунопроизводителите за правилно пакување и чување на произведениот тутун, со цел да се зачува неговиот квалитет и да

Проданоски: Буџетот за 2027 година го креираме со предлозите на прилепчани

Општина Прилеп ги заврши средбите со сите урбани заедници во градот во рамките на консултациите за подготовка на Буџетот за 2027 година. Градоначалникот Дејан Проданоски најави дека процесот продолжува со средби со
Go toTop