Швајцарија не е единствената земја што ги прилагодува казните според приходот. Минатата година, еден Финец мораше да плати 121.000 евра за возење со 32 км/ч над дозволената брзина.
Швајцарски милионер се соочува со казна од 95.500 евра откако беше фатен како вози со 77 км/ч во зона од 50 км/ч. Иако во повеќето земји таквото прекршување би чинело околу сто евра, Швајцарија применува различен систем – износот на казната се пресметува според приходот на возачот.
Според весникот „24 часа“, возачот е меѓу 300-те најбогати луѓе во земјата, со богатство проценето на неколку стотици милиони франци. Затоа судот му изрече казна од дури 90.000 швајцарски франци (околу 95.500 евра).
Сепак, постои олеснителна околност. Возачот мора веднаш да плати само 10.000 франци, додека преостанатите 80.000 франци се условни – тие ќе бидат наплатени само ако повтори сериозен сообраќаен прекршок во следните три години, пишува autobild.de.
За споредба, во Германија, за истиот прекршок, максималната казна би била 843,50 евра, и тоа само при надминување на ограничувањето од 70 км/ч во населено место.
Швајцарија не е единствената земја што ги прилагодува казните според приходите – минатата година еден Финец морал да плати 121.000 евра за возење со 32 км/ч над ограничувањето, бидејќи се проценувало дека е во категоријата со високи плати.
Во секој случај – во Швајцарија, износот на казната се одредува не само според износот на пребрзо возење, туку и според салдото на банкарската сметка.
Извор: vecer.mk
