Шоле: Постои голема разлика меѓу Република Српска и идната Заедница на српски општини

January 19, 2023
1 min read

„Морам да бидам јасен, тоа не е аранжман кој би наликувал на Република Српска“, изјавил американскиот советник на Стејт департментот за Н1, притоа не потенцирајќи ги можните надлежности на Заедницата на српски општини (ЗСО) во Косово

Специјалниот советник на Стејт департментот, Дерек Шоле, во интервју за српската Н1 изјавил дека за Соединетите Американски Држави е важно да се формира Заедница на српски општини (ЗСО) во Косово, бидејќи сметаат оти тоа е во согласност на косовскиот Устав, но, како што нагласил, постои голема разлика меѓу ентитетот Република Српска и идната Заедница на српски општини.

„Морам да бидам јасен, тоа не е аранжман кој би наликувал на Република Српска“,

рекол Шоле во интервјуто за Н1.

Американскиот советник не сакал да зборува за деталите околу можните надлежности на Заедницата, велејќи дека тие детали мора да се договорат преку дијалог меѓу двете страни.

Фото: EPA-EFE/STR

Прашан за медиумските шпекулации околу т.н. француско-германски предлог, за кој претседателот на Србија Александар Вучиќ вели дека вклучува некаква форма на признавање на независноста на Косово, Шоле исто така, рекол дека не сака да зборува околу тоа.

Тој порачал оти САД го поддржуваат дијалогот со посредство на ЕУ, кој, според Шоле, е основа за преговори со цел нормализација и заемно признавање меѓу Косово и Србија.

На прашањето како да се постигне можното членство на Косово во Обединетите нации со оглед на противењето на Русија и Кина, тој рекол дека ќе биде тешко, но дека САД ќе продолжат да се залагаат за тоа.

„Напорите за повлекување на признавањето на Косово во меѓународната заедница се губење време и енергија“,

нагласил тој.

Во интервјуто за Н1, меѓу другото, Шоле ја истакнал загриженоста на САД за руското влијание на Балканот, а во таа насока рекол дека во последните години Русија покажала оти е подготвена да ги користи енергентите за да изврши негативно влијание.

Извор: 360stepeni.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

ЌЕ ЧЕКАМЕ ЦЕЛИ ДВА МЕСЕЦИ – еве кога е следниот неработен ден, особено испланирајте ги овие споени викенди!

Следно

Во 2002 г. биле „натпопишани“ 38 илјади лица, открива директорот на Државниот завод за статистика

Latest from Blog

Проданоски: Буџетот за 2027 година го креираме со предлозите на прилепчани

Општина Прилеп ги заврши средбите со сите урбани заедници во градот во рамките на консултациите за подготовка на Буџетот за 2027 година. Градоначалникот Дејан Проданоски најави дека процесот продолжува со средби со

Николоски: Од 1 јануари само Државната лотарија ќе може да организира онлајн игри на среќа

Владата го измени Законот за игри на среќа, со кој јасно се ограничува организирањето на игри на среќа. Само Државната Лотарија ќе може да организира игри на среќа, дополнително се воведе ограничување

Божиновска: По три децении зависност од еден гасен правец, Македонија работи на нови врски со соседите

Македонија три децении зависела од само еден правец за снабдување со природен гас, а новите поврзувања со соседите треба да ја намалат таа зависност, порача министерката за енергетика, рударство и минерални суровини,

Битола не ги заборава своите херои: Одбележана 82-годишнината од формирањето на Првата егејска македонска ударна бригада

Во Битола свечено беше одбележана 82-годишнината од формирањето на Првата егејска македонска ударна бригада, со положување свежо цвеќе, оддавање почит и пригодна културно-уметничка програма. Одбележувањето се одржа пред спомен-плочата кај Територијалната противпожарна

Божиновска: Гасните врски со Грција и Србија се приоритет за посигурно снабдување

Гасните интерконектори со Грција и Србија, Вертикалниот гасен коридор и повторното ставање во функција на продуктоводот Солун–Скопје се меѓу проектите со кои Македонија работи на посигурно снабдување со енергија. Ова го истакна
Go toTop