Министерството за одбрана објави дека Шојгу го посетил командното место на фронтот во правец Донецк-Југ, без да прецизира точно место или време
Рускиот министер за одбрана Сергеј Шојгу изврши увид во „командното место“ на линијата на фронтот во источна Украина, во услови на жестока битка за градот Бахмут, соопшти неговото министерство.
Министерството објави дека Шојгу го посетил командното место на фронтот во правец Доњецк-Југ, без да прецизира точно место или време. Министерството објави видео на кое се гледа како Шојгу лета со хеликоптер, а потоа разговара, без да носи шлем или панцир, со војник пред оштетените згради. Во продолжението на видеото Шојгу им дава медали на руските војници.
За време на посетата на Шојгу, продолжуваат жестоките борби за контрола на Бахмут, во регионот Доњецк, место кое стана симбол бидејќи двете страни се борат со месеци. Претходниот ден, шефот на паравоената група Вагнер, Евгениј Пригожин, чија единица е во првите редови на битката за Бахмут, рече дека тие „практично го опколиле“ Бахмут и дека моментално има само еден излез од градот.
Ројтерс пренесува дека има интензивно руско гранатирање на рутите кои водат западно од Бахмут, што е обид да се блокира пристапот на украинските сили до и од градот, додека мост во соседниот град Хромове е оштетен во гранатирање на руски тенкови.
Ројтерс забележа интензивно руско гранатирање на рутите кои водат западно од Бахмут, очигледен обид да се блокира пристапот на украинските сили до и од градот. Мост во соседниот град Хромове е оштетен во гранатирање на руски тенкови.
Украинските војници работат на поправка на оштетените патишта, а повеќе војници се движат кон првите линии, што е знак дека Украина се уште не е подготвена да го предаде градот.
Претходно, Пригожин постојано ја критикуваше командата на редовните руски сили, обвинувајќи ја дека недоволно ги поддржува борците Вагнер. Шојгу на крајот на декември оствари две посети од овој тип.
Русија е решена да го заземе Бахмут, сега уништен град, а некогаш познат по своето пенливо вино, како дел од нејзината поширока цел да го освои целиот регион Доњецк.
Украина претходно изјави дека ќе ја брани „Тврдината Бахмут“ колку што е можно повеќе, но оваа недела властите рекоа дека ситуацијата е тешка.
Но, и украинските и руските сили објавија големи жртви во борбата за контрола на градот, чија симболична важност го надминува неговото воено значење.
Извор: 360stepeni.mk
