Шест Палестинци загинаа во израелското бомбардирање на семејна куќа во Газа

ГАЗА (АА) – Најмалку шест Палестинци загинаа, а десетмина се ранети во израелски напад на бегалскиот камп Бурејџ, лоциран во централниот дел на Појасот Газа, јавува Анадолу.

Локалните извори јавуваат дека израелски воени авиони ја бомбардирале куќа во бегалскиот камп Бурејџ.

Од болницата Ауд известија дека во нападот животот го загубиле шест Палестинци, а десет лица се повредени.

Во израелските напади врз Појасот Газа од 7 октомври загинаа 39.090 Палестинци, меѓу кои најмалку 16.172 деца и 10.798 жени, а 90.147 се ранети.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.