АНКАРА (АА) – Турскиот министер за надворешни работи, Хакан Фидан, синоќа телефонски разговарал со шефот на политичкото биро на Хамас, Исмаил Ханије, за тековната хуманитарна криза во Појасот Газа и последните преговори за прекин на огнот, наведоа дипломатски извори, известува Анадолу.
За време на разговорот, Фидан се осврнал на катастрофалната хуманитарна ситуација во Газа и случувањата кои произлегуваат од зголемувањето на гладта и болестите во северниот дел на Газа.
Покрај тоа, Фидан и Ханије разговарале за последните случувања во преговорите за прекин на огнот со Израел.
Прекршувајќи ја резолуцијата на Советот за безбедност на Обединетите нации со која се бара итен прекин на огнот, Израел се соочи со меѓународна осуда поради неговата континуирана брутална офанзива со неселективно бомбардирање на цивилните населби, училишта, верски објекти и болници на Појасот Газа на 7 октомври минатата година.
Оттогаш, во израелските напади врз Појасот Газа се убиени 38.713 Палестинци, а 89.166 се ранети.
Во период од девет месеци континуирано бомбардирање и гранатирање од страна на Израел, големи делови од Газа се во урнатини.
Израел е обвинет за геноцид пред Меѓународниот суд на правдата, чија последна пресуда им наложи на израелските власти веднаш да ја прекинат воената операција во јужниот град Рафа.
И покрај тоа, израелските напади врз Појасот Газа продолжуваат со несмален интензитет, а испораката на хуманитарната помош не е доволна за решавање на хуманитарната катастрофа.
Извор: Anadolu Agency (AA)
