Сезона на грип во Европа: Белгија прогласи епидемија, Романија во епидемиолошка тревога

January 5, 2023
1 min read

Белгиските здравствени институции забележаа дека стапката на заболени е го надминала максималниот број регистриран во претходните три зими. Романскиот министер за здравство, пак, рече дека државата е во состојба на тревога, но не сака да размислува за карантин туку им препорача на граѓаните да носат маски во затворени простории

Ран почеток на зимската сезона на грип бележат повеќе земји во Европа. Белгија веќе прогласи епидемија откако грипот ги погоди сите возрасни групи, но најмногу децата и младите.

Одлуката да се прогласи епидемија денеска ја донесе белгискиот Институт за јавно здравје, а високиот совет за здравство препорача вакцинација, главно за ризичните лица: лицата со над 65 години, бремените жени, хронично болните и оние кои престојуваат во институции и медицински персонал.

Според статистиката на белгискиот Институтот, стапката на заболени од грип веќе ги надминала максимумите постигнати во претходните три зими, а сегашната епидемија на грип е придружена со циркулација на многу други респираторни заболувања, предизвикани од вирусот ковид-19 или бронхитис.

Романија, пак, иако не планира да прогласи епидемија, министерот за здравство, Александру Рафила, денеска изјави дека државата е во состојба на епидемиолошка тревога.

„Не сакам на кој било начин да се вратам на дискусиите поврзани со карантин и изолација. Претпочитам препораки отколку ограничувања“,

истакна Рафила и им препорача на Романците да носат маски во затворени простори.

Во меѓувреме, Националниот центар за надзор и контрола на заразни болести при романскиот Институт за јавно здравје соопшти за први смртни случаи од грип во земјата. Починала 25-годишна жена со потврден вирус на грип од типот А и уште една 50-годишна жена, двете од Букурешт.

Прв смртен случај сезонава вчера регистрираше и Хрватска. Во болницата во Славонски Брод почина средовечен маж кој покрај грип имал и други хронични заболувања.

Хрватскиот инфектолог Горан Тешовиќ во изјава за тамошните медиуми вели дека генерално лицата со грип, претежно деца, немаат тешки клинички слики.

„Она што сега го гледаме се вообичаените клинички слики, претежно кај децата. Главно кај децата од предучилишна и училишна возраст, кои имаат некомплицирана форма на грип. Затоа, не гледаме некои особено тешки клинички форми на грип. Првенствено, сè зависи од вирусот. Во овој момент барем кај нашите пациенти доминира грип од типот А, и тоа оној кој предизвикува полесна форма на болеста“,

вели доктор Тешовиќ.

За сезоната на грип низ Европа денеска пишуваше и „Ројтерс“ наведувајќи дека научниците сметаат оти ограничувањата на движењето за време на ковид-пандемијата може да се „виновни“ за раниот пораст на респираторни инфекции.

Photo: EPA-EFE/JUANJO MARTIN

Извор: 360stepeni.mk

VERO JUMBO MACEDONIA

EVN MACEDONIA

MARKETING

Претходно

ИМА СМРТНИ СЛУЧАИ: Романија поради грипот е во состојба на епидемиолошка тревога

Следно

Презентацијата на Роналдо во Ал Наср ја следеа три милијарди луѓе, една третина повеќе од финалето на СП

Latest from Blog

Русија изврши целосен воздушен напад врз Украина во текот на ноќта

Русија синоќа започна целосен воздушен напад врз Украина, во кој беа повредени најмалку четворица железнички работници, а поради што Полска крена воени авиони, објавија денес украинските и полските власти. Единиците за воздушна

ВЛЕН: ДУИ со години ја уништува иднината на младите

Партијата ВЛЕН остро реагираше по објавувањето на извештајот на Државниот завод за ревизија за 2023 година, оценувајќи го како „директна обвинителна акта“ против ДУИ и поранешниот министер за образование Јетон Шаќири. Според

КУРИР, НетПрес и Република биле шпионски обработувани од тајната полиција на АНБ

Аферата со прислушување која ја тресе Македонија веќе пет дена, добива се поголем замав. Најновите информации, засега се уште неофицијални, а до кои дојде НетПрес, велат дека таргет за обработка на тајната

Го славиме светиот апостол Тадеј

Според календарот на МПЦ (Јулијанскиот календар) денеска е 21 август. Светиот апостол Тадеј Еден од Седумдесеттемина, а не оној Тадеј којшто беше од Дванаесеттемина апостоли. Свети Тадеј прво го виде и го

Изменет сообраќааен режим на патниот правец Гостивар – Тетово и обратно

Сообраќајот на државните патишта се одвива по суви коловози. Интензитетот на сообраќај на патните правци надвор од градските средини е зголемен, поради летните одмори се бележи зголемена фреквенција на возила. На граничните
Go toTop