Селекторот на женската кадетска репрезентација, Даниела Новеска, го објави списокот на повикани ракометарки за Европскиот младински фестивал (EYOF) и за Европското У17 првенство.
На Европскиот младински фестивал нашите девојки ќе бидат сместени во групата Б и ќе ги одмерат силите со Швајцарија, Норвешка и Исланд, а потоа ќе се подготвуваат за континенталниот собир, каде ќе играме против Португалија, Германија и Словачка.
Европското кадетско првенство ќе се одржи во Црна Гора, во периодот помеѓу 30 јули и 10 август годинава. На списокот се најдоа вкупно 22 ракометарки. Првиот собир на нашиот национален тим е закажан за 23 јуни во 16:00 часот.
Извор: kurir.mk
