Влага, болест, сиромаштија, кирија, мака, наспроти една самохрана мајка.
Анифе Мурати од Куманово живее со своите две деца. 11 годишната Лениса и 10 годишниот Енеид.
„Јас пет години трпев насилство, многу, многу, дури ми ги стави рацете во вратот мојот сопруг, за да ме убие. Му се молев на Господ и таа ноќ ми даде сила, реков само за овие деца Господе спаси ме. Децата беа сведок на тој страшен настан“, рече Мурати.
Кога конечно собрала храброст да побегне, заминала со само една чанта – и со децата.
„На почеток кога дојдов имав само една чанта на рацете, исто и децата.“, изјави Анифе.
Госпоѓа Анифе до скоро работела, но поради здравствени проблеми, таа била принудена да ја остави работата.
„Тешко е една жена да биде и мајка и татко за децата, без ничија поддршка. Кријата е уште полошо! Со плата од 18.000 денари, кирија 100 евра, од другата страна струјата, другите трошоци, човек се изморува и психички, а и со здравје сум слаба. Имам проблем со пршлените, земам многу лекови, таму имам многу апчиња.Една ноќ пред Бајрам паднав тука поради крварење…“, вели Мурати.
Анифе, жена борец, од хуманите луѓе бара поддршка за да обезбеди покрив над глава.
„Би ги замолила сите, кој колку има можност, поради децата да ни помогнат и секој кој ни помогнал досега Господ никогаш да не им даде лошо. Би сакале да имаме наш стан, да не се грижам дали ќе имам да платам кирија, или немам, тоа ми е најголема грижа, сите ги молам, кој може да ни обезбеди кров над главата.“, рече Мурати.
Најмногу ја трогнува синот Енеид, кој секоја вечер се моли за дом. А има и сон – кога ќе порасне, да отвори ресторан за оние кои немаат што да јадат.
„Синот одеше секоја година во теравија за Рамазан, и вели Мамо се молам да имаме кров над главата, и да не бидеме веќе вака. Тие зборови најмногу ме болат. му велам дај Боже Господ да ни ги исполни желбите, вели мамо кога ќе пораснам сакам многу да постигнам, да отворам ресторан, кој нема што да јаде јас ќе му дадам“, вели Анифе.
ГРАФИКА:
АНИФЕ МУРАТИ
290500021856745
ТТК БАНК
+38977938577
ИЗВОР: ТВ 21
