Се урна мост во Грција – еден загина, а осуммина се повредени

Мостот се реконструирал и бил затворен за сообраќај

Едно лице загина, а осуммина се повредени откако во близина на градот Патрас, во Западна Грција се урна мост. Несреќата се случила околу 13 часот , а во акцијата учествувале 35 пожарникари со 12 возила, пренесе Ројтерс.

На мостот, како што се наведува, во тек била реконструкција и затворен бил за сообраќај од 20 јули.

Причините за уривањето сè уште не се познати.