Какво лицемерие, каква нечовечност, каква ароганција!, коментираат од СДСМ, за трибината на ВМРО-ДПМНЕ, за Кочани.
„Кочани не е приоритет за Владата. Владата го одби Законот за помош на семејствата на жртвите и повредените од трагедијата. Буквално одби финансиски да им помогне додека родители даваат откази од работа за да се грижат за повредените деца. Пратениците на ДПМНЕ се скрија во канцелариите на Собранието да не излезат да се соочат со родителите од срам. Кукавици и лицемери. Клековски треба да се скрие од јавноста, болницата во Кочани сè уште нема ни основни медицински средства. Физикалната терапија се врши на донирани маси а тој седи во Владата на трибина и кажува како помогнале. Државата не обезбеди ниту обични креми за раните на повредените“, велат од СДСМ.
Од СДСМ потенцираат дека веќе еден месец Владата нема министер за здравство, дека додека здравството се распаѓа по секој основ, а кочанската болница се распаѓа, ВМРО-ДПМНЕ тера политики и дебати.
„Сè што има се донации од хумани луѓе. Ова е срам за цела држава. Срам за една власт што избра да ја пере својата бездушност со трибини наместо со вистинска грижа. СДСМ нема да молчи. Ќе ја бараме правдата до крај. Ќе ве потсетуваме секој ден дека зад вашите зборови нема ништо – ни сочувство, ни одговорност, ни човечност“, велат од опозициската партија.
ИЗВОР: racin.mk
