„Каде е Наум Стоилковски со репортажи во живо да каже дека гори на 20 локации? Можеби треба да излезе да ја обвини СДСМ и сега откако е удобно на власт. Би сакале да ги потсетиме во ВМРО-ДПМНЕ дека лицето за кое зборуваат дека ја уништило способноста за противпожарна заштита е во коалиција со Христијан Мицкоски, поставен како директор на Дирекцијата за заштита и спасување со зголемена плата за 30% потпишана токму од Христијан Мицкоски“, велат од СДСМ.
Според социјалдемократите ‘на лицето Стојанче Ангелов во последните две години му изгоре површина како што вкупно во 30 години нема изгорено’.
Од опозициската партија посочуваат дека се смешни обвинувања на ВМРО-ДПМНЕ и Мицкоски кои глумат опозиција, и ги повикаа веднаш и неодложно, јавно да ги објават имињата на сите оние кои подметнувале пожари.
„Секое одбивање да се објават имињата на потпалувачите ќе го сметаме за соучесништво на ДПМНЕ во потпалувањето на пожари и смислено сценарио за одвлекување на јавноста од проблемите предизвикани од апсолутната неспособност на оваа Влада“, велат од СДСМ.
ИЗВОР: racin.mk
