САД: Повеќе од 26.000 луѓе евакуирани поради пожарите во Северна Калифорнија

САКРАМЕНТО (АА) – Повеќе од 26.000 луѓе се евакуирани поради пожарите што избувнаа во регионот Бут во американската сојузна држава Калифорнија на почетокот на неделата, јавува Анадолу.

Регионалната канцеларија на шерифот соопшти дека пожарот избувнал на 2 јули во регионот Бут во Северна Калифорнија.

Во соопштението се наведува дека надлежните служби поради пожарот евакуирале повеќе од 26.000 луѓе од загрозените региони.

Гувернерот на Калифорнија, Гевин Њусом, прогласи вонредна состојба поради пожарот што го гаснат неколку стотици противпожарни екипи.

Медиумската куќа Си-би-си јавува дека Одделот за шумарство и заштита од пожари објавило дека најмалку осум пожарникари биле повредени за време на гаснењето на пожарот.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.