САД: По судирот на авион и хеликоптер близу Вашингтон извлечени 41 тело

ВАШИНГТОН (АА) – Екипите за пребарување извлекоа 41 тело од реката Потомак по судирот помеѓу комерцијален авион и хеликоптер во средата близу Вашингтон, изјави денес началникот на градската противпожарна и службата за итни случаи, Џон Донели, јавува Анадолу.

„Извлековме останки од 41 тело, а 28 од тие жртви се идентификувани; заклучно со 6 часот утринава, до 18 семејства се испратеи известувања“, изјави Донели за новинарите.

Вкупно 67 лица загинаа откако воен хеликоптер во лет се судри со авион на „Американ ерлајнс“, во близина на Националниот аеродром Роналд Реган кај Вашингтон, кои паднаа во реката Потомак доцна во средата.

„Очекуваме да ги извадиме сите тела“, рече Донели, додавајќи дека тимовите сè уште работат.

Тој истакна и дека временските услови може да ги забават операциите за пребарување „малку, но ние, сите единици сме овде, сите луѓе кои работат“.

„Мислам дека за да ги извадиме и другите останки, ќе треба да го извадиме трупот (на авионот) од водата“, додаде тој.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.