ВАШИНГТОН (АА) – Портпаролот на американскиот Стејт Департмент изјави дека САД остануваат при соттав дека обвинувањата за геноцид против Израел пред Меѓународниот суд на превдата се неосновани, известува Анадолу.
Портпаролот на Стејт Департментот рече дека САД ја признаваат „значајната улога на Меѓународниот суд на правдата во решавањето на споровите“, истакнувајќи дека Бајденовата администрација „доследно јасно става до знаење дека Израел мора да ги преземе сите можни чекори за да ја минимизира штетата врз цивилите, да го зголеми протокот на хуманитарната помош и да се позанимава со дехуманизирачката реторика“.
„И понатака веруваме дека обвинувањата за геноцид се неосновани и напоменуваме дека судот во својата пресуда не изнел закључокот за геноцид, ниту повика на прекин на огнот. Повика на безусловно, моментално ослободување на сите заложници што ги држи Хамас“, истакна портпаролот во пишаниот одговор за Агенција Анадолу.
Тој додаде дека пресудата исто така, е во согласност со „нашиот став дека Израел има право да преземе мерки за да се обезбеди дека терористичкиот напад од 7 октомври нема да се повтори“.
Наведе дека САД ќе продолжат да ја следат судската постапка како случајот се одвива.
Извор: Anadolu Agency (AA)
