Тајванското Министерство за одбрана соопшти дека помошта од САД ќе му помогне во ефикасна одбрана на воздушниот простор за справување со заканите и провокациите Пекинг и ќе ги зајакне одбранбените резерви на земјата
Соединетите Американски Држави одобрија потенцијална продажба на ново оружје во вредност од 619 милиони долари за Тајван, вклучително и ракети за неговата флота Ф-16.
Пентагон во средата соопшти дека Стејт департментот ја одобрил потенцијалната продажба на оружје за Тајван која, меѓу другото, вклучува 200 противвоздушни напредни проектили со среден дострел.
„Предложената продажба ќе придонесе за способноста на примателот да обезбеди одбрана на својот воздушен простор, регионална безбедност и интероперабилност со САД“,
се вели во соопштението на Пентагон.
Продажбата на оружје најверојатно дополнително ќе ги влоши и онака затегнатите врски меѓу Вашингтон и Пекинг, кој постојано бараше да престанат таквите договори, сметајќи ги како неоправдана поддршка за Тајван, остров кој Кина го смета за своја територија, пишува Ројтерс.
Тајванското Министерство за одбрана соопшти дека помошта од САД ќе му помогне во ефикасна одбрана на воздушниот простор за справување со заканите и провокациите Пекинг и ќе ги зајакне одбранбените резерви на земјата.
Втор ден по ред Тајван известува за големи упади на кинеското воздухопловство на неговата зона за воздушна одбрана, при што тајванското Министерство за одбрана соопшти дека во последните 24 часа забележало 21 авион.
Пекинг вели дека неговите активности се оправдани бидејќи се обидува да го одбрани својот територијален интегритет и да ги предупреди САД да не „заговараат“ со Тајван.
Извор: 360stepeni.mk
