Американските сили денеска рано наутро извршија напад врз радарска локација на Хутите во Јемен, соопшти американската војска доцна во петокот.
Во соопштението се додава дека последната акција има за цел да ја намали способноста на шиитската група да напаѓа поморски бродови.
„Овој напад беше изведен од USS Carney (DDG 64) користејќи ракети за копнени напади Томахавк и беше продолжување на акцијата на одредена воена цел поврзана со нападите извршени на 12 јануари дизајнирани да ја намалат способноста на Хутите да ги напаѓаат поморските бродови, вклучително и комерцијални пловни објекти“, наведе Централната команда на САД во соопштението на социјалната мрежа X, поранешен Твитер.
Претходно Хутите ветија дека американските и британските напади врз нивните позиции во Јемен нема да останат неказнето.
Групата поддржана од Иран вети дека ќе продолжи со нападите врз бродовите во Црвеното Море и ќе го поддржи Хамас во Газа.
Во текот на ноќта воздушни и поморски напади беа насочени кон 30 позиции на Хутите, вклучувајќи командни центри, складишта за муниција и системи за противвоздушна одбрана, велат од САД.
Американскиот претседател Џо Бајден рече дека акцијата ќе го заштити слободниот проток на меѓународната трговија.
Британскиот премиер Риши Сунак оценува дека ударите биле „ограничена, неопходна и пропорционална акција во самоодбрана“.
Холандија, Австралија, Канада и Бахреин дадоа поддршка за мисијата, рече Бајден./rse/
Извор: alsat.mk
