САД ја повикаа Србија да работи со ОБСЕ за да ја реши загриженоста во врска со неправилностите на изборите

Според извешајот на ОБСЕ/ОДИХР, изборите во Србија се одржале во време на висока поларизација и интензивна конкуренција меѓу различни политички опции

САД денеска ја повикаа Србија да одговори на загриженоста во врска со неправилностите на парламентарните избори одржани во неделата кои ги нотираше ОБСЕ.

„Би сакале Србија да работи со ОБСЕ за да ги реши овие грижи. Неправилностите пријавени од ОБСЕ и другите набљудувачи на изборите треба да се истражат, а насилството врз изборните органи, новинарите и акредитираните набљудувачи е неприфатливо“,

им рече на новинарите портпаролот на Стејт департментот, Метју Милер.

Во преодната изјава за изборите во Србија во понеделникот, Милер не ги коментираше наводите за изборни нерегуларности, наведувајќи дека САД со нетрпение очекуваат „продолжување на соработката со следната влада на Србија за зајакнување на демократското владеење и владеењето на правото и промовирање на регионалните стабилност“.

Меѓународните набљудувачи кои ја претставуваат Канцеларијата на ОБСЕ за демократски институции и човекови права (ОДИХР), Советот на Европа и Европскиот парламент во понеделникот во Белград изјавија дека се забележани сериозни нерегуларности во предизборната кампања, како и дека имало купување гласови. Нотирани беа и проблеми како што се пристрасно известување во медиумите и доминација на шефот на државата и владејачката партија. Според извешајот на ОБСЕ/ОДИХР, изборите во Србија се одржале во време на висока поларизација и интензивна конкуренција меѓу различни политички опции.

Претходно, Европската Унија (ЕУ) посочи дека нема да се произнесе во врска со изборите во Србија додека мисијата на Организацијата за безбедност и соработка во Европа и Канцеларијата за човекови права и демократски институции (ОБСЕ/ОДИХР) не ги презентираат прелиминарните изборни резултати.

ЕУ нема да се произнесе за изборите во Србија додека ОБСЕ/ОДИХР не ги презентираат прелиминарните резултати

Германија оцени дека неправилностите кои ги утврдиле меѓународните набљудувачи на парламентарните избори во Србија се неприфатливи за земја која претендира да се приклучи на Европската Унија.

Поддржувачите на опозициската листа „Србија против насилството“ (СПН) втора ноќ протестираат пред Републичката изборна комисија (РИК) во центарот на Белград поради нерегуларности на изборите, пред сè поради големиот број гласачи од Република Српска.

На демонстрантите, кои бараат поништување на изборите за град Белград, им се придружија и потписниците на ПроГлас, иницијатива на јавни личности, кои пред изборите повикаа да се излезе на гласање.