АНКАРА (АА) – Администрацијата на Трамп запре 210 милиони долари од истражувачките фондови на Универзитетот Принстон, во рамките на истрага за антисемитизам на кампусот, јавуваат американските медиуми, пренесува Анадолу.
„Можам да потврдам дека Одделот за енергетика го прекина финансирањето на Универзитетот Принстон во очекување на завршувањето на истрагата на Министерството за образование во Принстон во врска со антисемитското вознемирување“, се вели во веста што ја објави „Си ен ен“, цитирајќи го портпаролот на Министерството за енергетика.
Претседателот на Универзитетот Принстон, Кристофер Ајсгрубер, во меил испратен до академската заедница, споделен со „Си-Ен-Ен“, потврди дека универзитетот е информиран за суспензијата на финансирањето.
„Полниот мотив зад оваа одлука сè уште не е целосно разјаснет,“ напиша Ајсгрубер во пораката, додавајќи дека Принстон останува посветен на борбата против антисемитизмот.
Тој нагласи дека универзитетот неделава добил известувања од неколку агенции, меѓу кои Министерството за енергетика, НАСА и Министерството за одбрана.
– Над 500 студентски визи поништени во рамки на поширока акција за депортации
Во меѓувреме, „Си-ен-ен“ анализираше судски документи, изјави од адвокати и објави од повеќе од 80 универзитети низ САД, потврдувајќи дека годинава на повеќе од 525 студенти, универзитетски професори и истражувачи им биле поништени визите.
Меѓу првите нашироко познати случаи е оној на Махмуд Халил, кој беше уапсен по учество во про-палестински протести на Универзитетот Колумбија, пренесе „Си-Ен-Ен“.
Адвокатите за имиграција, пак, предупредуваат дека се зголемува бројот на случаи каде што студенти добиваат закани за депортација поради ситни прекршоци од пред неколку години или, дури и без јасно објаснета причина.
Извор: Anadolu Agency (AA)
