Во соопштението на Стејт департментот се наведува дека американските државјани во Иран се соочуваат со „висок ризик од незаконско притворање, долготраен притвор, измачување и во некои случаи и смртна казна“.
Исто така, се посочува дека граѓаните сами треба да си го организираат заминувањето од Иран бидејќи американската администрација не може да им помогне поради тоа што САД нема амбасада во Техеран.
Предупредувањето е издадено во момент кога САД и Иран преговараат за нуклеарната програма на Техеран. Но и за преговорите во Оман има разни информации.
Досега само Министерството за надворешни работи на Оман соопшти дека министерот Сајад Бадр Албусади остварил одвоени средби со иранската и американската делегација.
Извор: vecer.mk
