ВАШИНГТОН (АА) – Соединетите Американски Држави активно се вклучени во преговорите за ослободување на заложниците во Газа, објави Белата куќа, пренесува Анадолу.
„Веруваме дека сме поблиску од кога било. Затоа се надеваме“, изјави портпаролот на Советот за национална безбедност, Џон Кирби.
Тој рече дека има уште работа да се заврши, додавајќи дека „ништо не е направено додека сето тоа не се заврши“.
Изјавата следуваше откако израелската државна телевизија КАН објави дека Тел Авив предложил договор за размена на затвиреници со Хамас.
Неколку часа претходно американскиот претседател Џо Бајден рече дека верува оти договорот за ослободување на заложниците во Газа е блиску.
Катарскиот премиер Шеик Мухамед Бин Абдулрахман Ал-Тани во неделата рече дека договорот за размена на заложници меѓу Израел и Хамас е „неминовен“.
Се верува дека Хамас држи најмалку 239 заложници по прекуграничниот напад на 7 октомври. Палестинската група на отпорот соопшти дека е подготвена да ослободи заробеници во замена за илјадници Палестинци затворени во израелските затвори.
