Суровикин, наречен Генерал Армагедон од руските медиуми поради неговата наводна немилосрдност, е ветеран од руските војни во Чеченија и Сирија, кој беше одликуван од рускиот претседател Владимир Путин
По најавената чистка на воените службеници по краткотрајниот бунт на платеничките сили на „Вагнер“, руските власти, наводно, го уапсиле генералот Сергеј Суровикин, заменик-командант на руските воени операции во Украина, пренесуваат весникот „Москва тајмс“ и еден руски воен блогер.
Суровикин, наречен Генерал Армагедон од руските медиуми поради неговата наводна немилосрдност, е ветеран од руските војни во Чеченија и Сирија, кој беше одликуван од рускиот претседател Владимир Путин.
Цитирајќи два извори блиски до руското Министерство за одбрана, онлајн весникот на руски јазик „Москва тајмс“ објави дека Суровикин бил уапсен затоа што, како што наведува еден од неименуваните извори, „застанал на страната на шефот на ‘Вагнер’, Евгениј Пригожин за време на бунтот“.
Рускиот воен блогер Владимир Романов, исто така, извести за апсењето на Суровикин, пренесува според „Москва тајмс“, додека вашингтонскиот тинк-тенк Институт за проучување на војната (ИСВ) објави друг руски извор кој тврди дека воените „соработници“ на Суровикин биле „обвинети за соучесништво во бунт“.
Руското Министерство за одбрана сè уште не ги коментира извештаите за приведувањето на Суровикин, пишува весникот.
The Defense Ministry has yet to comment on the alleged arrest of Surovikin, who has not been seen in public since Saturday. https://t.co/dr7xM4N33k
— The Moscow Times (@MoscowTimes) June 28, 2023
ИСВ во средата објави дека истакната руски воен блог утврдил дека во тек е чистка од големи размери на руската воена команда по обидот на силите на „Вагнер“ да влезат во Москва и да ги уапсат највисоките воени лидери на земјата.
2/ A prominent Russian milblogger claimed that #Wagner’s rebellion has prompted “large-scale purges” among the command cadre of the Russian armed forces and that the Russian MoD is currently undergoing a “crash test” for loyalty. https://t.co/owjfEW9jU1
— ISW (@TheStudyofWar) June 29, 2023
„Ако руските власти го уапсат Суровикин, тогаш Кремљ најверојатно ќе ги искористи Суровикин и неговите соработници како жртвени јагниња за јавно да објасни зошто руската војска и апаратите за внатрешна безбедност лошо реагираа на бунтот и да ја оправдаат потенцијалната ревизија на руското воено раководство. ИСВ не може да потврди ниту една од овие шпекулации за командни промени во овој момент, но јасно е дека вооружениот бунт продолжува да има значителни последици во информативниот простор“,
напиша ИСВ.
Извор: 360stepeni.mk
