Русија: Соборени 34 украински беспилотни летала кои летаа кон Москва

ИСТАНБУЛ (АА) – Најмалку 34 украински беспилотни летала кои летале кон главниот град на Русија, Москва, рано утрово биле соборени, соопшти денес руското Министерство за одбрана, пренесува Анадолу.

Министерството тврди дека противвоздушната одбрана на земјата соборила 70 украински беспилотни летала во периодот од 7 до 10 часот по локално време во шест различни региони, од кои 34 биле пресретнати над главниот град.

Претходно, градоначалникот на Москва, Сергеј Собјанин, во изјава на Телеграм истакна дека 32 беспилотни летала кои летале кон главниот град на Русија биле соборени над подрачјето на Домодедовски, Раменски и Коломенски во Московската Област.

Нема причинета штета, ниту жртви на местото на падот на остатоците од дроновите, рече Собјанин, додавајќи дека службите за итни случаи работат на терен.

Руската Федерална агенција за воздушен транспорт (Росавијација) ги укина привремените ограничувања воведени претходно на московските аеродроми Домодедово, Шереметјево и Жуковски.

Украинските власти досега не се огласија за тврдењата на руските власти.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.