Русија ваквата одлука ја донела поради „конфронтирачката и антируската политика“ на финските власти, која како што тврди Москва има за цел да ги уништи деценсиките заемно корисни руско-фински билатерални односи
Од 1 октомври, финскиот конзулат во рускиот град Санкт Петербург ќе биде затворен за работа. Оваа одлука на властите во Кремљ следува откако Финска пред еден месец протера девет руски дипломати од Хелсинки поради сомнеж дека овие лица работеле за руските тајни служби.
Во соопштението на руското МНР се вели дека договорот под кој финскиот конзулат работел во Санкт Петербург ќе биде откажан на 1 октомври, а за овие мерки навремено бил известен и финскиот амбасадор Анти Хелантера. Нему му бил упатен „остар протест“ поради „конфронтирачката и антируската политика“ на финските власти, која, како што тврди руската дипломатија, има за цел „да ги уништи децениските заемно корисни руско-фински односи“.
Односите меѓу двете соседни земји значително се влошија по руската инвазија врз Украина. Поради таа агресија Финска ја напушти својата долгогодишна политика на воена неутралност и во април официјално стана членка на НАТО.
Извор: 360stepeni.mk
