МОСКВА (АА) – Најмалку четири лица загинаа од експлозија на гас во станбена зграда во Русија, соопшти Министерството за вонредни ситуации на Русија, пренесува Анадолу.
Експлозијата се случи во деветкатна зграда во градот Балашин, кој се наоѓа 22 километри источно од главниот град Москва.
„Повредени се уште седум лица, а под урнатините сѐ уште се заробени две лица“, соопшти Министерството за вонредни ситуации на Русија.
Во соопштението се истакнува дека дури 184 лица и тешка механизација се ангажирани на расчистување на урнатините.
Силна експлозија предизвика разурнување на третиот, четвртиот и петтиот кат од зградата, а оштетени се најмалку 10 стана. Надлежните информираа дека постои закана од дополнителни уривања.
Обвинителството поведе кривична истрага поради несоодветно давање услуги.
